भिडियो सहित हेर्नुहोस !
Advertisement
शत्रु सिया राष्ट्र इरानको प्रशंसा गरेको र सुन्नी अतिवादी संस्था मुस्लीम ब्रदरहुडलाई समर्थन गरेको आरोपमा हिजो देखि साउदी अरब लगायतका छिमेकी राष्ट्रहरुले कतार संग कुटनीतिक सम्बन्ध विच्छेत गरेका छन् ।तर कतारले भने कथित रुपमा इस्लामिक स्टेट वा कुनै प्रकारको चरमपन्थीको समर्थन गरेको आरोप अस्विकार गर्दै यो कदमलाई अन्यायपूर्ण र अनुचित बताएको छ र एक सार्वभौमसत्ता सम्पन्न राष्ट्रको सार्वभौमिकतामा खलल पुर्याएको भन्दै कतारको विदेश मन्त्रालयले हिजो विज्ञप्ती जारी गरिसकेको छ ।
के के भयो हिजो देखि ?
सोमबार, बिहान ५ः५०
आतंकवादको समर्थन गरेको भन्दै सबैभन्दा पहिला हिजो बहराइनको परराष्ट्र मन्त्रालयले विज्ञप्ती जारी गर्दै कतार संगको कुटनीतिक सम्बन्धको अन्त्य गरेको थियो । साथै मन्त्रालयले कतारमा रहेका आफ्ना कुटनितिज्ञहरुलाई ४८ घन्टा भित्र स्वदेश फिर्ता बोलाएको थियो र आफ्नो देशमा भएको कतारी कुटनितीज्ञहरुलाई पनि सोही निर्णय सुनाएको थियो ।
६ बजे
साउदी राज्य बाटै सञ्चालित साउदी प्रेस एजेन्सीले आतंकवाद संगको संग्लनता भएको आरोप लगाउँदै कतार संगको सम्बन्ध बिच्छेद गरेको वक्तव्य जारी गर्यो ।
त्यस्तै साउदीले एमनमा जारी द्धन्द बाट कतारी सेनाको उपस्थीतीलाई पनि हटाएको छ । कतार न्यूज एजेन्सी ह्याक भएदेखि नै साउदी र कतारको सम्बन्ध चिसीएको थियो ।
६ः१०
युएई र इजिप्टले पनि लगत्तै कतार संगको कुटनीतिक सम्बन्धको अन्त्य गरेको आ आफ्नै देशको संञ्चार माध्यमहरुबाट घोषणा गर्यो ।
८ः३५
इतिहाद एयरवेजले आज मंगलबार बाट कतार संगको सम्पूर्ण आउने जाने उडान बन्द गर्ने सुचना प्रकाशित गर्यो । कुनै कारण नदेखाइ एयरवेजले अर्को सुचना प्रकाशित नहुन्जेल उडान बन्द गर्ने सुचना दियो ।
९ः५५
कतारको विदेश मन्त्रालयले विज्ञप्ती जारी गर्दै कतारले कथित रुपमा इस्लामिक स्टेट वा कुनै प्रकारको चरमपन्थीको समर्थन गरेको आरोप अस्विकार गर्दै यो कदमलाई अन्यायपूर्ण र अनुचित बताएको छ र एक सार्वभौमसत्ता सम्पन्न राष्ट्रको सार्वभौमिकतामा खलल पुर्याएको भनेको छ ।
१०ः००
अमेरिकी दुत रेक्स टिल्लरसनले सिड्नीमा सञ्चार माध्यमहरु संगको अन्तरक्रियामा गल्फ राष्ट्रहरु एक हुन पर्ने बताउनुभयो । कतारमा मध्यपूर्व कै सबैभन्दा बढी अमेरिकी सैनिक छन् ।
१०ः२०
दुबईको इमिरेट्स एयरलाइन्सले कुटनीतिक सम्बन्धको समस्या देखाउँदै आफ्नो वेबसाइट मार्फत कतार संगको सबै उडान बन्द गर्ने सुचना प्रकाशित गर्यो ।
१ः३०
साउदी बोर्डरमा कतार प्रवेश गर्न लागेका ट्रकहरुको लाइन लागेको समाचार आएको केही बेरमै साउदी यतायत अधिकारीले कतार संगको जल,स्थल र हवाई मार्ग बन्द गरेको स्पष्ट पारे ।
२ः३०
लिबियामा रहेका तीन प्रतिपक्ष सरकार मध्ये खलिफा हफ्तार द्धारा सन्चालित हफ्तारले आतंकवाद संगको मेलमिलापको कारण देखाउँदै सम्बन्ध तोडेको घोषणा गर्यो ।
३ः१०
इजिप्टले कतारी कुटनीतिज्ञहरुलाई ४८ घन्टा भित्र देश छोड्न आदेश सुनायो र आफ्ना कर्मचारीहरुलाई दुई दिन भित्र स्वदेश फर्कन सुचना दियो ।
३ः१४
माल्दिभ्सले पनि आतंकवाद संगको संग्लङ्गनताको कारण देखाउँदै सम्बन्ध तोडेको घोषणा गर्यो ।
३ः३०
इरानले कतारको समर्थन गर्दै विदेश मन्त्रालयको वेबसाइट मार्फत निश्पक्ष वार्ताको आव्हान गर्यो भने बढ्दै गरेको छिमेकीहरुको समस्याले खाडी क्षेत्रको सबै राष्ट्रमा असर पुग्ने विज्ञप्थी जारी गर्यो ।
३ः३०
युएईमा रहेको फुजैरह बन्दरगाहमा कतारी जहाजहरुलाई प्रवेशमा रोक लगाएको जानकारी दियो ।
४ः००
इरान बाट खाधान्न बोकेको जहाज कतारमा पठाईयो । जहाज १२ घन्टा भित्र कतार पुग्ने युनियनका प्रमुख रेजा नौरानीले खबर दियो । श्रोत:QNKhabar News
अरबको आकाशमा अब उड्ने छैन कतारी विमान, यस्तो हुनेछ असर
जेठ २३ – इजिप्ट र साउदी अरबले कतारी विमानमाथि आफ्नो हवाई क्षेत्रमा उडान भर्नका लागि प्रतिबन्ध लगाएको छ ।
योभन्दा पहिले कतारमाथि अतिवादीलाई बढावा दिएको आरोपमा ६ अरब देशले उक्त देशसँग आफ्नो कूटनीतिक सम्बन्ध तोडेको छ । यसमा साउदी अरब, इजिप्ट, बहराइन, यमन, लिबिया र संयुक्त अरब इमिरेट्स (यूएई) समावेश छन् ।
साउदी अरब, यूएई, इजिप्ट र बहराइनबाट कतारका लागि हवाई, जमिन र समुन्द्री बाटो बन्द गरिएको छ ।
यता कतारले कथित रुपमा इस्लामिक स्टेट वा कुनै प्रकारको चरमपन्थको समर्थन गरेको आरोप अस्विकार गर्दै यो कदमलाई ‘अनुचित’ बताएको छ ।
यो घटनालाई अमेरिकाको साथी भनिने शक्तिशाली खाडी मुलुकका बिच एक ठूलो चिराको रुपमा हेरिएको छ । अरब देशले खाडी मुलुकहरु र छिमेकी मुलुक इरानका बिच बढिरहेको तनावका बेला यस्तो निर्णय लिएको हो । केही समय अघि अरब यात्रामाथि अमेरिकी राष्ट्रपति डोनल्ड ट्रम्पले इरानमाथि चरमपन्थलाई प्रसय दिएको आरोप लगाएका थिए ।
तर हजयात्रीलाई रोकिने छैनः
बहराइन, साउदी अरब र यूएईले मिलेर कतारसँग आउने जाने सबै बाटो बन्द गरेर कूटनीतिक सम्बन्ध तोड्ने निर्णय गरेको हो ।
उनीहरुले आफ्नो देशमा रहेका कतारी नागरिक र पर्यटकलाई दुई हप्तामा आफ्नो देश फर्किन आदेश दिएको छ । तीन देशले आफ्ना नागरिकलाई पनि कतार जान प्रतिबन्ध लगाएको छ ।
यूएई र इजिप्टले कतारका कूटनीतिज्ञलाई देश छाड्नका लागि ४८ घण्टाको समय दिएको छ । यता साउदी अरबले एक कदम अगाडि बढेर कतारको प्रभावशाली अल जजिरा टेलिभिजन च्यानलको स्थानीय अफिस पनि बन्द गराएको छ ।
यद्यपी, साउदी अरबले् कतारका हज यात्रीमाथि भने प्रतिबन्ध नलगाउने स्पष्ट गरेको छ ।
इजिप्ट, यमन, लिबिया र माल्दिभ्सले पनि पछि निर्णयको अनुसरण गरेको छ ।
हवाई रोकको असरः
साउदी अरबको सिभिल एभिएसन प्रशासनले कतारको विमानमाथि आफ्नो हवाई अड्डामाथि ल्याण्ड गर्ने र आफ्नो वायुक्षेत्र नाघ्न पनि प्रतिबन्ध लगाएको छ ।
इजिप्टले पनि कतारबाट आउने उडानका लागि ढोका बन्द गर्दै दुबै देशबिचको उडान मंगलबार ४ बजेबाट अर्को सूचना जारी नभएसम्म रोकिने जानकारी दिएको छ ।
बहराइनको गल्फ एयर, इतिहाद एयरवेज र इमिरेट्ससमेत प्रभावित देशका थुप्रै एयरलाइन्स कम्पनीले मंगलबार बिहानबाट कतारको राजधानी दोहाबाट आवत–जावत गर्ने उडानलाई रद्द गर्दैछ ।
नेशनल एयरलाइन्स र कतार एयरवेजले पनि साउदी अरबको उडानलाई रद्द गरेको छ ।
बीबीसीका साइमन एटकिंसनका अनुसार उडानमाथि रोक एयरलाइन्सका लागि ठूलो समस्या पैदा गर्न सक्छ । उनीहरुले फ्लाइटको रुट परिवर्त गर्नुपर्ने हुन्छ जसका कारण उडानको समय बढ्न सक्छ ।
कतारमा मानिसहरु खाना र पानी जम्मा गर्न थालेको बताइन्छ किनभने खाद्य उत्यादन र आयातका लागि कतार साउदी अरबमाथि निकै निर्भर छ । कतारको करिब ४० प्रतिशत खाना छिमेकी खाडी देशबाट आउने गरेको बताइन्छ ।
इरानका एक अधिकारीले फोर्स न्यूज एजेन्सीसँग इरान समुन्द्रमार्फत १२ घण्टाभित्र कतारसम्म खाना पुर्याउने सक्षम भएको जानकारी दिएका छन् ।
भिडियो सहित हेर्नुहोस !
Advertisement
0 Response to "खाडी क्षेत्रको समस्या सुल्झाउन कुवेत सक्रिय ! खाडीका विभिन्न एअरपोर्टमा यात्रु अलपत्र खाडिमा हुने नेपालीहरुले यो न्युज अबश्य पढ्नुहोला र धेरै भन्दा धेरै शेर गरी सबै लाई "
Post a Comment